امام حسین(ع)دربالین علمدارکربلا
اوجا بوی شسلی قامتلی دلاور قارداشیم لای لای
بلا دشتینده مین تیپه برابر قارداشیم لای لای
گوزوم نوری باشیم تاجی ابالفضلیم علمداریم
اویان قارداش بئلیم سیندی پریشان اولدی افکاریم
خیامه من نئجه سنسیز گئدیم ای شانلی سرداریم
ملک منظر،قمر طلعت ، مطهرقارداشیم لای لای
آماندیر آچ گوزون منله دانیش گوفتاروه قوربان
آتام شیر خدا تک شیوه ی پیکارووه قوربان
اولا عالملرین جانی دوشن قوللارووه قوربان
سالان کشتی کیمی نهراوسته لنگر قارداشیم لای لای
بو آب عشقدیرحتی بونا خیضرین الی یئتمز
کیم اولسا تشنه بوآبه فراته اعتنا ائتمز
سنون قارداش بو ایثارون یادیمدان هئچ زامان گئتمز
ائده ن ای نفسینی رام ای هنرور قارداشیم لای لای
نئجه من ال چکیم قارداش بوجسم چاک چاکوندان
کی یئر گوی فیض آلیرالان صفالی قانلی خاکوندان
بابامین عطرینی آلدیم سنون انفاس پاکوندان
مشام جانیمی ائتدین معطر قارداشیم لای لای
اوزون قوللارووی دوشمن ائدیب قارداش جودا تنده ن
سلام اولسون بو قوللاره بو پاره مشگووه منده ن
آلار عالمده غیرت درسینی آزاده لر سنده ن
ائده ن عاشیقلرین قلبین مسخر قارداشیم لای لای
آچ گوزلروی یاتما علمداریم ابالفضل
ترک ائتمه منی غم گونی غمخواریم ابالفضل
ای کان حیا معدن ایمان آتام اوغلی
ای تشنه فرات اوسته وئره ن جان آتام اوغلی
عالم بو دوشن قوللارا قربان آتام اوغلی
کسگین قیلیجیم محرم اسراریم ابالفضل
میل ایلمه گاهی ساغا گاهی سولا قارداش
ساغ لیقدا یاراشمیر سنه رنگین سولا قارداش
مخیمده تیکیب اهل حرم گوز یولا قارداش
گوزلور یولوی خیمده بیماریم ابالفضل
بسم الله الرحمن الرحیم
ای با وفا سرلشگریم ٬عطشـــان ابولفضلیـم
آچ گوزلرون ای یاوریم ٬عطشــــان ابولفضلیـم
(سیندی بیلیم قارداش)
(آرخـام ایلـیــم قارداش)
کیم سالدی بو حاله سنی ای قانه غلطانیم
بـو قانـه باتمـیش پیکـره٬قـربــان اولا جـانیــم
لای لای یارالی قارداشیم٬وای تشنه قربانیم
گوزلـور سنی اولـدوزلاریم٬ای مـاه تـابـانـیــم
قـانـه باتان همسنگریم عطشـان ابـولـفضلیم
قـربــان بو آغـلار گــوزلـره گــوزدن منی آتمـا
سن بیـل آنـام زهـرا اویان٬زهــرانی آغـلاتمـا
مـاه بنی هاشم هله٬گـون چیخمامیش باتمـا
غیرتلی شیریم آچ گوزون دشمن باخور یاتمـا
ای غم گونی غم پروریم عطشان ابولفضلیـم
سس ویر بو یالقوز رهبره ای تشنه سرداریـم
غملی گونیمدی بیکسم ای یار و غمخواریـم
یاتـسـون٬قـرا پـرچـم یـاتـار٬ یاتـما علـمـداریـم
دور دوت الـیمدن٬ای منیم الـدن دوتـان یـاریـم
قالدی بیلیمده اللـریم عطشـان ابـولـفـضـلیــم
اسـلامـه یـاری ایـلـدی ساق و سولون قارداش
گویلوم سوویر باهم اولاخ بیر قول بویون قارداش
چوخدور غمیم بو باره ده یوخدی قولـون قارداش
نازلی رقیه یم خیمـه ده گـوزلـور یولـون قارداش
آغلور او زهــرا منظـریـم عطشـان ابـولـفـضـلیم
من عنـدلیب عـشقـیـوم سـولـما گـل یـاسـیـم
کسـمـه منیـم امــیدیمی غـیــرتلـی عـبـاسیـم
نـه وار علـی اکبـــریـــم٬نـه وار جــوان قـاسـیـم
ایندی قالوب بیر اصغــریم عطشان ابـولـفـضـلیـم
ای زاده ی شــیـرخــدا٬صــــاحـب لـــوا قـــارداش
سس ویــر مـنـه بی یــاورم ای بــاوفــا قـــارداش
مشگل ده دی قارداشون ای مشگل گشا قارداش
بـاشـون یـاراسینـدان آخـور قــان٬مـه لقـا قـارداش
قـانـه دونـوب اشک تـریـم عطشـان ابـولـفـضـلیــم
ای روح ایمـــان مـظــهـر تـقـــــوا ابـولـفـضـلیــم
بـاب الــحـوایــج٬مـنـصبی سقــــا ابـولـفـضـلیــم
زیبــا آدووا فـخـــر ایـــدر عیــسی ابـولـفـضـلیــم
ای قـانــه بـاتــمیش گـوزلری شهلا ابـولـفـضلیـم
قالدی گـوزونده گوزلـریم عطشان ابـولـفـضـلیــم
بــو غصـــه لی احـــوالـیـــوه اهــل سـمـا آغــلار
بـاغـــلار غـمونـــده زیـنبیـم بـاشــه قــــرا آغــلار
هـر کـیــم ایـشیـدسـه اولمـگـون دلـده نـوا آغـلار
یـازدوقـجــا شـرح حـالـیـــوی هــردم(فتـــا)آغــلار
آغـلار سنـه عـاشـق لــریم عطشان ابـوالفـضلیـم