|
گل حلال ایله منی،عازیمی میدانم آنا بیر دقیقه سنه بو خیمه ده مهمانم آنا |
|
ایلئیوب خاطر ناشادیمی بیر حرفیله شاد خاک پایوندا فدای ره جانانم آنا صاف چیخدوم،اریدیم،قالمادی بیر غل و غشیم قورویوب غنچه دوداقیم اودی خندانم آنا جهد و جهدیم بودور ایندی بویانام قانه سوسوز چؤنکی من تشنه لب چشمه ی حیوانم آنا هر کمین گاهیده مین قاتیلی خونخوایم وار مایل تیغ کج خنجر بررانم آنا باتارام ایندی قیزیل قانه،برای دل دوست دئمه بو سلسله ده بی سرو سامانم آنا کربلا دشتی اولوب محضر شاهنشه عشق قوی گئدوم من ده وئروم جان،سنه قربانم آنا تئل به تئل زؤلفی خیالین گئزرم شانه کیمی بسکه سودازده ی زلفی پریشانم آنا قانلی گؤز یاشینی بو نوع ایله تؤکمه یوزو وه گؤره سن اوندا کیم ئوز قانیمه غلطانم آنا شه لب تشنه وئرر اجرین اونون روزی جزا گئل حلال ایله منی ،عازیمی میدانم آنا |
|
|
|
بو چؤلده باجی محنت هجران سنون* اولسون آغلار گؤزیله زلف پریشان سنون اولسون
|
|
بو چؤلده باجی محنت هجران سنون* اولسون آغلار گؤزیله زلف پریشان سنون اولسون باشسیز بدنیم ایستی قوم اوسته قالا عریان شام ایچره باجی،منزل ویران سنون اولسون غم جامین ائدوبله می محنتله لبالب عبّاس منیم،عابد نالان،سنون اولسون یغمایه گئدر فاطمه نون طاقت و تابی بوشرط ایله:پیکان منیم،افغان سنون اولسون تیر غمه لیلانون اولور جسمی نشانه مندن سورا بو ناله و افغان سنون اولسون پیمانه ی غم نوش ائله تا سین میا پیمان جان تازه گلین دردو غمی،جان سنون اولسون تا گلشن ائدم قانیم ایله دشت بلانی ویرانه ده بیر جمع پریشان سنون اولسون سر سلسله قیل عابد بیمار ملولی تنّور منیم،سینه ی سوزان سنون اولسون نه قشر،نه ترکیب،نه صورت،نه هیولا تا روز جزا روضه ی رضوان سنون اولسون
|
|
|
|
هله گۆلشَنین گـۆلــۆ سـوْلمئـیــوب آنــام آغـــلامـــا، بــاجێـــم آغـــلامــا
|
|
هله گۆلشَنین گـۆلــۆ سـوْلمئـیــوب آنــام آغـــلامـــا، بــاجێـــم آغـــلامــا آنــام آغـــلامـــا، بــاجێـــم آغـــلامــا هله اوْلما مایل-ی-درد-وْ-غم هله یاتمئیوبدی اسیر عَلَم هله ائتمئیوبله قوْلۇن قلم آنام آغلاما، باجێم آغلاما باجێ اکبرین قد-ی-نورسی هله پاره-پاره جنازهسی گؤیه لئیلینین بالا وای سسی آنام آغلاما، باجێم آغلاما هله رونقی وار اساسیمین دییه نو عروسینی قاسمین هله ابتداسیدی یاسیمین آنام آغلاما، باجێم آغلاما جیگرین باشێ هله یانمئیوب باجێ آلقانینه بوْیانمئیوب هله ظۆلم اوْخیلهن اوْیانمئیوب آنام آغلاما، باجێم آغلاما لیقیوین زمانه ده چوْخ یئری دئمه ساکت اوْلماغا یوْخ یئری بدنیمده یوْخ هله اوْخ یئری آنام آغلاما، باجێم آغلاما هله ظۆلم لجّهسی داشمئیوب سیزه جور-وْ-ظۆلم الین آشمئیوب هله عترتیم چؤله قاشمئیوب آنام آغلاما، باجێم آغلاما باجێ غم کدورتی باسمئیوب هله صر-صر-ی-ستم اسمئیوب هله شئمر باشیمی کسمئیوب آنام آغلاما، باجێم آغلاما یانار اوْدلار اۆزره کباب تک هله چکمه ناله رباب تک هله یاخمئیوبدی خضاب تک آنام آغلاما، باجێم آغلاما هامێدان علاقهنی کس رضا بۇ سؤزیله وئر اوْنا سس رضا نهدی بۇ هوا-وْ-هوس رضا آنام آغلاما، باجێم آغلاما
|